تجاره مع الله ...

السلام عليكم

((بريال ((بس)) وشوفي وش يسوي

....

...



....





السالفة وما فيها إني هنا بقول لكم وش تسوون إذا كان عندكم ريال وما تدرون
وش تسوون فيه
لأن هذا الريال يقدر يسوي أشياء كثيرة في هذا المحل....


قلتي لي شلون؟؟

راح أقول لكِ كيف..

تقدرين تروحين للمكتبة وتاخذين عشر مطويات عن موضوع أنتي تختارينة
وتوزعينها على عشر أشخاص يستفيدون منها ويمكن يعطونها غيرهم يستفيد

وش كسبتي؟
إن فعلوا ما أمرتيهم به من إحسان وتركوا مانهيتيهم عنه من منكر لكِ مثل
أجره لأن الدال على الخير كفاعله

ثانياً:
ممكن يكون عندكِ ورقة فيها فتوى موثقة من اللجنة الدائمة للإفتاء
تودينها لأقرب مصور يطبع لكِ نسخ منها بريال
ووزعيها على من حولكِ
وأعتقد أنكِ ما تحتاجين من يذكركِ بأجر الأمر بالمعروف والنهي عن المنكر


ثالثاً:
تقدرين تدخلين فيها السرور على قلب مؤمن
أكيد راح تسألين شلون؟
لو مثلا كان عندكِ طفل أو أخت في البيت وجبتي لهم شي من برا البيت
بريال(مشروب-شبس-علك) وفرح فيها
راح تكونين أدخلتي الفرح على قلبه

لا تستهينين بهذي الطريقة لأن القيمة ما تهم بقدر الرسالة
اللي راح توصل له واللي هي (إني فكرت فيك وأنا برا البيت)
أو إن كان صغير أعطيه الريال وراح يفرح فيه بعد


رابعا:
عندكم أكيد في الحارة عمال مسلمين
لو تقولين لأخوكِ يعطيهم كيسة خبز مع ابتسامة وكلمة حلوة
راح تحسنين له
وتخيلي الأجر اللي راح يجي لكِ ولأخوكِ
أما يكفيكِ قوله تعالى (والله يحب المحسنين)
وتخيلي إن أخوك أعطاه الخبز في رمضان وكان صايم وأفطر عليه
راح تكونين فطرتي صايم بريال
هل هذه صفقة رابحة لكِ؟؟


خامسا:
وأنت مارة لقيتي صندوق تبرعات حطي الريال فيه ولا تستحقرين من
المعروف شي
لان الله عز وجل لو تلاحظين في الآيات التي تحث على الإنفاق ما حدد
قيمة ولى وش تنفقين
وهذا من كرم الله ولطفه
فليش تبخلين على نفسكِ وما تكونين من المنفقين وتاخذين أجرهم
وتذكري أن الصدقة تطفئ غضب الرب وتدفع ميتة السوء


سادسا:
اشتري مسواك
هومن السنن ومطهرة للفم ومرضات للرب


هذي هي بضاعتي مجرد أفكار
(وش ممكن تسوين بريال)
شفتي بنفسكِ وش ممكن تكسبين بريال؟
طيب لو كان معك أكثر من ريال؟
تاجري فيه
وتذكري أن:
التجارة الحقيقية هي مع الله
وهي تجارة رابحة بإذن الله لن تبور
وسلعة الله غالية
وهي الجنة
يالله جدي واجتهدي
كلما صرتي من الله أقرب صار لك أقرب
وكانت الجنة أقرب وأقرب
_ _ _ _ _ _ _ _ _ _ _ _ _ _ _ _ _ _ _ _



شفتوا كيف يعمل ؟؟؟؟